2025թ. ՄԿՈՒ զարգացման ազգային կենտրոնի (ՄԿՈՒԶԱԿ) կողմից պլանավորվում է կազմակերպել ՄԿՈՒ ոլորտի համար նախատեսվող ուսումնական ձեռնարկների և ուսումնամեթոդական նյութերի մշակման և հրատարակման աշխատանքներ:
Ձեռնարկների և այլ ուսումնական նյութերի ստեղծման հայտերը (էլեկտրոնային տարբերակով) ներկայացվում են ՄԿՈՒԶԱԿ: Անհատական հայտերի դեպքում խնդրում ենք ներկայացնել նաև տեղեկանք աշխատանքի վայրից և ինքնակենսագրություն.
- Հայտը ներկայացնել կցված ձևաչափին համապատասխան:
- Անհատական դիմում հայտերի դեպքում ներկայացնել նաև տեղեկանք աշխատանքի վայրից և ինքնակենսագրություն։
- Դիմում-առաջարկները մինչև սույն թվականի հունվարի 20-ը կարող են ներկայացվել ՄԿՈՒԶԱԿ՝ պաշտոնական գրության բնօրինակով կամ էլեկտրոնային հասցեով՝ [email protected], սքան արված տարբերակով: (ք.Երևան, Տիգրան Մեծի 67, 3-րդ հարկ, 305 սենյակ, համակարգող` Հասմիկ Այվազյան):
- Սահմանված ընթացակարգի համաձայն` ձեռնարկների և ուսումնական նյութերի հայտերը ՄԿՈՒԶԱԿ-ը ներկայացնում է ՀՀ ԿԳՄՍ նախարարություն, այնուհետև ՄԿՈՒ զարգացման ազգային խորհրդի կողմից հավանության արժանացած ձեռնարկների և ուսումնական նյութերի ցանկը ներկայացվում է ՀՀ ԿԳՄՍ նախարարի հաստատմանը:
- ՀՀ ԿԳՄՍ նախարարի հրամանով հաստատվելուց հետո ՄԿՈՒԶԱԿ-ի կողմից կիրականացվեն ուսումնական ձեռնարկների և ուսումնամեթոդական նյութերի ստեղծման և հրատարակման աշխատանքները։
- Ուսումնական ձեռնարկների ծավալը պետք է լինի 170-200 էջ, իսկ ուսումնամեթոդական նյութերինը՝ 120-160 էջ: Ներկայացվող պահանջները առավել մանրամասն կներկայացվեն ընտրված հեղինակներին` համապատասխան պայմանագրի կնքման ժամանակ:
- Ձեռնարկների հայտերի ընտրության ժամանակ նախապատվություն տրվելու է վերջին տարիներին մշակված նոր մասնագիտությունների չափորոշիչների բովանդակությանը առնչվող հայտերին.
«Անգլերեն լեզվի ուսուցման մեթոդական գործիքակազմը տարբեր մասնագիտությունների և որակավորումների համար»
«Փայտագործություն»
«Էլեկտրական կայաններ, ցանցեր և համակարգեր»
«Թատերական և տեսալսողական տեխնիկա»
«Երկաթուղիների շինարարություն, երկաթգծի և գծային տնտեսության սպասարկում»
«Թռչող ապարատների ավիացիոն և ռադիոէլեկտրոնային սարքավորումների տեխնիկական շահագործում»
«Եռաչափ տպիչների շահագործում և տեխնիկական սպասարկում»
«Կիբեռանվտանգություն»
«Ռոբոտացված տրանսպորտային միջոցների շահագործում և սպասարկում»
«Կախովի ճակատային համակարգերի մոնտաժում»
«Վերականգնվող էներգիայի էներգետիկ կայանների մոնտաժում, նորոգում և սպասարկում»
«Ներքին ջեռուցման և օդափոխման համակարգերի, սանիտարատեխնիկական սարքավորումների մոնտաժում ու շահագործում»
«Կարի արտադրության տեխնոլոգիա»
Անհարկի կրկնություններից խուսափելու համար ստորև ներկայացնում ենք նախորդ տարիներին տպագրված ձեռնարկների ցանկը (տես կցված PDF նյութը):
