Մասնագիտական կրթության և ուսուցման երկրորդ միջազգային կոնգրեսն անցկացվեց հունիսի 21-23-ը Շվեյցարիայի Ուինթերթուր քաղաքում:
Կոնգրեսը, որի նպատակը Շվեյցարիայի մասնագիտական կրթության և ուսուցման համակարգի միջազգայնորեն խթանումն ու գոյություն ունեցող ցանցի ընդլայնումն էր, բացվեց երկրի նախագահ Յոհան Շնայդեր-Ամմանի կողմից:
Իր ելույթում պարոն Շնայդեր-Ամմանը, 450 պատվիրակներից կազմված հանդիսատեսի ուշադրությանը ներկայացրեց Կոնգրեսի կարգախոսը՝ «Հմտություններից դեպի բարեկեցություն՝ կիսելով հաջողության հիմունքները»: Նա խոսեց «Կրթական համայնք, որ շահավետ է բոլորիս համար» թեմայի շուրջ:
Զեկույցների, սեմինարների և պանելային քննարկումների հիմնական նպատակը գաղափարների և փորձի փոխանակումն էր:
Ներկայացվեցին Շվեդիայի, Սերբիայի, Բելգիայի, Դանիայի, Գերմանիայի, Ավստրիայի, Գաբոնի, Բուլղարիայի և Շվեյցարիայի մասնագիտական կրթության և ուսուցման՝ հաջողված նախագծերի օրինակներ:
Այս տարվա կոնգրեսի թիրախը աշկերտությունն ու դրա կազմակերպման թեման էր:
Առաջինը Մարսել Պավլիչեքի՝ «Բուրքհարդ կոմպրեսիոն» կազմակերպության գործադիր տնօրենի և Սեսիփրեֆա Քրեյմերի՝ շվեյցարական UBS բանկի աշկերտի փորձի ներկայացումն էր:
Երկրորդը՝ կոնգրեսում բացված «Հմտությունների ավանն» էր, որտեղ այցելուները անմիջականորեն կարող էին ծանոթանալ աշկերտների կողմից իրականցված նախագծերին և աշխատանքներին, ինչը հնարավորություն էր տալիս ընդհանուր պատկերացում կազմել մասնագիտական կրթության և ուսուցման դուալ համակարգի վերաբերյալ:
Կոնգրեսում իրականացված քննարկումները հնարավորություն տվեցին մեծ թվով այցելուների ծանոթանալ մասնագիտական կրթության և ուսուցման տարբեր բնագավառներին և գործիքներին:
Կոնգրեսը նաև ցույց տվեց, թե որքան տարաբնույթ ու բարդ են ՄԿՈւ համակարգերը, չնայած որ մարտահրավերները, ինչպիսիք են թվայնացումը և գլոբալացումը, ազդում են բոլոր երկրների վրա:
Կոնգրեսին մասնակցում էին թվով 450 մասնակիցներ 80 երկրներից:
Մասնագիտական կրթության և ուսուցման երրորդ միջազգային կոնգրեսը կանցկացվի 2018 թվականին:
