Կարևորելով նախնական (արհեստագործական) և միջին մասնագիտական ուսումնական հաստատություններում պետական կրթական չափորոշիչների ներդրման գործընթացի շարունակականությունը, Մասնագիտական կրթության և ուսուցման զարգացման ազգային կենտրոնը սույն թվականի ապրիլի 25-ից մայիսի 13-ը 47 խմբով իրականացրեց 1089 դասախոսների և արտադրական ուսուցման վարպետների վերապատրաստման աշխատանքներ:
Վերապատրաստումներն իրականացվել են նախապես կազմված և հաստատված ծրագրերին ու ժամանակացույցին համապատասխան՝ հետևյալ թեմաներով.
- Մոդուլային ուսումնական ծրագրերի կազմում,
- Դասավանդողի կողմից ուսումնառության գործընթացի պլանավորում,
- Ուսանողի ակտիվ ուսումնառության ապահովում,
- Կարճաժամկետ դասընթացների համար փաստաթղթերի մշակում,
- Աշխատանք՝ փորձարարական կարգով ներդրված փաստաթղթերի հետ,
- Կարողությունների գնահատման մոտեցումների կատարելագործում:
