2016թ. ապրիլի 15-ին Գ.Վ.Պլեխանովի անվան Ռուսաստանի տնտեսագիտական համալսարանի Երևանի մասնաճյուղում տեղի ունեցավ “CCNA Discovery 1: Networking for Home and Small Business” դասընթացի փակման հանդիսավոր արարողությունը:
Դասընթացին մասնակցել են Երևանի ինֆորմատիկայի պետական քոլեջի երրորդ և չորրորդ կուրսերի 13 սովորողներ: Հաջողությամբ հաղթահարելով վերը նշված դասընթացը՝ բոլոր սովորողները CISCO ակադեմիայի կողմից ստացան միջազգային վկայագրեր և շնորհակալագրեր:
Դասընթացի տևողությունը երեք ամիս էր, որն անցկացվեց համալսարանում գործող համակարգչային ցանցերի “CISCO” լաբորատորիայում:
Դասընթացի հանդիսավոր փակման արարողությանը մասնակցում էին Հայաստանում ՌԴ դեսպանի խորհրդական Ա.Իվանովը, Երևանի ինֆորմատիկայի պետական քոլեջի տնօրեն Ռ.Աբրահամյանը, Հայաստանում ՌԴ դեսպանատան և քոլեջի այլ աշխատակիցներ:
Նրանք շնորհավորեցին ուսանողներին` դասընթացը բարեհաջող ավարտելու կապակցությամբ, և իրենց շնորհակալական խոսքերն ուղղեցին դասընթացի կազմակերպիչներին` Ռուսաստանի տնտեսագիտական համալսարանի Երևանի մասնաճյուղի տնօրեն Ս.Վարդանյանին և նույն համալսարանի դասախոս` Գ.Գագյանին:
